प्रधानमन्त्री दाहालसँग नेपाल र यादवको भेटवार्ता

---

काठमाडौं,  पुस २४

प्रधानमन्त्री पुष्पकमल दाहाल प्रचण्डसँग नेकपा एकीकृत समाजवादी पार्टीका अध्यक्ष माधव कुमार नेपाल र जनता समाजवादी पार्टीका अध्यक्ष उपेन्द्र यादवले भेटवार्ता गर्नु भएको छ ।

आज आइतबार सिंहदरबारस्थित नेकपा माओवादी केन्द्रको संसदीय दलको कार्यालयमा प्रधानमन्त्री दाहालसँग नेपाल र यादवले भेटवार्ता गर्नु भएको हो  । साेही भेटवार्तापछि सञ्चारकर्मीहरुसँग कुरा गर्दै प्रधानमन्त्री दाहालले भेटवार्तामा नेपाल र यादव सकारात्मक रहेको र विश्वासको मत दिनेमा विश्वस्त रहेको बताउनुभयो ।

उहाँले छलफलमा विश्वासको मत लिने बारेमा नै छलफल भएको र नेपाल र यादव सकारात्मक रहेको बताउनुभयो । प्रधानमन्त्री दाहालले यहि पुस २६ गते विश्वासको मत लिदै हुनुहुन्छ ।