चितवन–२ मा उपनिर्वाचन हुने

---

काठमाडौं ,माघ १४

सर्वोच्च अदालतले रवि लामिछानेको सांसद पद खारेज गरेपछि प्रतिनिधि सभातर्फ चितवन क्षेत्र नं २ रिक्त भएको छ ।

यो क्षेत्रमा अब उपनिर्वाचन हुने भएको छ ।
सर्वोच्चबाट फैसलाको पूर्ण पाठ र औपचारिक जानकारी आएपछि सरकारसँग परामर्श गरेर उपनिर्वाचनको प्रक्रिया सुरू गर्ने निर्वाचन आयोगले जनाएको छ ।

उपनिर्वाचन कहिलेसम्म गर्ने भन्नेबारे कानुनमा स्पष्ट व्यवस्था छैन ।

गत मंसिर ४ गते भएको निर्वाचनमा चितवन क्षेत्र नं २ बाट लामिछाने विजयी भएका हुनुभएको थियो । उहाँले एमालेका कृष्णभक्त पोखरेल र कांग्रेसका उमेश श्रेष्ठलाई पराजित गर्नुभएको थियो ।