भोलि उपाधिका लागि नेपाल र बंगलादेश भिड्ने : साफ यू–२० महिला फुटबल

---

काठमाडौं ,माघ २५

भोलि बिहीबार बंगलादेशमा जारी साफ यू–२० महिला च्याम्पियनसिप फुटबलको फाइनलमा  नेपालले आयोजक बंगलादेशको सामना गर्ने भएको छ ।

समूहको अन्तिम खेलमा मंगलबार भुटानलाई ५–० ले हराउँदै बंगलादेशले नेपालविरुद्धको उपाधि भिडन्त तय गरेको हो ।

मंगलबार नै भएको पहिलो खेलमा भारतलाई ३–१ ले हराउँदै नेपालले फाइनलमा स्थान बनाएको थियो । नेपाल र बंगलादेशबीचको फाइनल खेल भोलि  हुनेछ ।

चार टोली सहभागी साफ यू–२० महिला च्याम्पियनसिप फुटबलको समुह चरण राउण्ड रोबिन लिगको आधारमा खेलाइएको थियो । तीन खेलबाट ७ अंक जोड्दै बंगलादेश समुह विजेता बन्यो भने ६ अंक जोडेको नेपाल दोस्रो भयो ।