१० दल एकमतका साथ प्रस्तुत हुने

काठमाडाैं, चैत्र ४

सत्ता साझेदार दलबीच भोलि संसदमा प्रस्तुत गर्ने विधेयक र पर्सी सरकारले लिने विश्वासको मतमा एकमतका साथ प्रस्तुत हुने सहमति बनेको छ ।

आज बालुवाटारमा सम्पन्न सत्ता साझेदार १० दलका शीर्ष नेताहरुको बैठकमा सो सहमति जुटेको हो । प्रधानमन्त्री प्रचण्डले यही चैत्र ६ गते विश्वासको मत लिँदै हुनुहुन्छ ।

विश्वासको मत लिएसँगै प्रधानमन्त्रीले सत्ता बाँडफाँडको विषय टुङ्ग्याएर मन्त्रिपरिषद् विस्तार गर्ने तयारी गर्नुभएको छ ।