केही दिनभित्रै सरकारले पूर्णता पाउँछ : प्रधानमन्त्री दाहाल

काठमाडाैं, चैत्र ७

प्रधानमन्त्री पुष्पकमल दाहालले अब केही दिनभित्रै सरकारलाई पूर्णता दिने बताउनु भएको छ ।

हिजो प्रतिनिधिसभामा विश्वासको मत लिएलगत्तै उहाँले सञ्चारकर्मीमाझ २/४ दिन भित्रै सरकारलाई पूर्णता दिने बताउनु भएको हो ।

प्रधानमन्त्री दाहालले सरकारलाईं पूर्णता दिनका लागि सरकारलाई समर्थन दिएका सबै दलहरुसँग मंगलबार बिहानबाटै छलफल सुरु गर्ने पनि स्पष्ट पार्नु भयो ।

उहाँले आफूले पाएको विश्वासको मत पर्याप्त रहेको र अव सरकार काममा केन्द्रित हुने दावी समेत गर्नुभयो । प्रधानमन्त्री दाहालले आफ्नो भारत भ्रमण चैत्रको अन्तिम हप्ता वा बैशाख पहिलो हप्ता भित्र हुन सक्ने बताउनु भयो ।