साफ यू-१७ महिला च्याम्पियनसिपमा नेपाललाई रुसले ३–० ले पराजित

काठमाडौं, चैत्र १३

साफ यू-१७ महिला च्याम्पियनसिप फुटबलमा नेपाललाई रुसले पराजित गरेको छ ।

बंगलादेशमा भइरहेको प्रतियोगिता अन्तर्गत आइतबार भएको खेलमा नेपाललाई रुसले ३–० ले पराजित गरेकाे हाे । जारी प्रतियोगितामा नेपालको यो दोस्रो हार हो । यसअघि पहिलो खेलमा भारतसँग ४–१ ले पराजित भएको नेपालले दोस्रो खेलमा भने भुटानलाई ५–० ले पराजित गरेको थियो ।

प्रतियोगितामा आयोजक बंगलादेशसहित नेपाल, भारत, भुटान र रुस सहभागी भएका छन् । नेपालले अन्तिम खेलमा मंगलबार बंगलादेशको सामना गर्ने भएकाे छ । राउण्ड रोबिन लिगको आधारमा चलेको प्रतियोगिताको शीर्ष टोलीले उपाधि जित्नेछ ।