१६औँ चरणका खेल आजदेखि : ए डिभिजन लिग

काठमाडौं, बैशाख २५

शहीद स्मारक ए डिभिजन लिग फुटबलमा १६औँ चरणका खेल शुरु हुँदैछ। सोमबार दुई खेल हुने एन्फाले जनाएको छ।

दिउँसो ३ बजे च्यासल मैदानमा हुने खेलमा फ्रेन्डस् क्लब र एफसी खुमलटारबीच प्रतिस्पर्धा हुँदैछ । १५औँ चरणका खेल सकिँदा १६ अंकसहित १३ औँ स्थानमा रहेको फ्रेण्ड्स यो खेल जित्दै दशौँ स्थानमा उक्लिन चाहन्छ। १७ अंकसहित १२औँ स्थानमा रहेको खुमलटार भने आठौँ स्थानमा उक्लिने लक्ष्यमा हुनेछ ।

यस्तै दिउँसो ३ बजे नै एन्फा क्लब सातदोबाटोमा नेपाल पुलिस क्लब र मनाङ मर्स्याङ्दी क्लबबीच प्रतिस्पर्धा हुँदैछ।