सिसडोल बञ्चरेडाँडाको विवाद समाधान गर्न प्रधानमन्त्रीको निर्देशन

काठमाडौँ, बैशाख ३०

प्रधानमन्त्री पुष्पकमल दाहाल ‘प्रचण्ड’ले नुवाकोटको सिसडोल बञ्चरेडाँडा क्षेत्रको विवाद १० दिनभित्र समाधान गरी स्थानीय बासिन्दासँग भएका सम्झौता कार्यान्वयन गर्न निर्देशन दिर्नुभएको छ ।

हिजो शुक्रबार प्रधानमन्त्री तथा मन्त्रिपरिषद्को कार्यालय सिंहदरबारमा उपत्यकाको फोहोरप्रभावित नुवाकोट सिसडोल बञ्चरे क्षेत्रको समस्या समाधानका सम्बन्धमा भएको छलफलमा बोल्दै प्रचण्डले आन्दोलनरत पक्षका माग सम्बोधन गर्न निर्देशन दिर्नुभएको हो ।

निर्णय कार्यान्वयनका लागि शहरी विकासमन्त्रीको संयोजकत्वमा गठित समितिलाई निर्देशन दिर्नुभएको छ ।

बञ्चरेडाँडामा फोहोर अव्यवस्थित तरिकाले फालिएको, लिच्चड व्यवस्थापन नगरी खोलामा बगाइएको, स्थानीय बासिन्दालाई मुद्दा चलाएको र सम्झौताअनुसार पूर्वाधार निर्माण नगरिएको भन्दै नुवाकोटको ककनी गाउँपालिका,बेलकोटगढी नगरपालिका र धादिङको धुनिबेसी नगरपालिकाका बासिन्दा र जनप्रतिनिधि आन्दोलित छन्।