जेठ १७ देखि प्रधानमन्त्री दाहालको भारत भ्रमण हुने

काठमाडौं, जेठ ६

प्रधानमन्त्री पुष्पकमल दाहाल प्रचण्डले यही जेठ १७ देखि भारत भ्रमण गर्नु हुने भएको छ ।

परराष्ट्र मन्त्रालय स्रोतका अनुसार प्रधानमन्त्री दाहालले जेठ १७ देखि २० गतेसम्म भारत भ्रमण गर्ने गरी तयारी भइरहेको छ । औपचारिक रुपमा भ्रमणको मिति घोषणा हुन भने बाँकी रहेपनि लगभग त्यही मितिका लागि दुबै देशको भित्री तयारी रहेको छ ।

दाहाल गत पुस १० गते प्रधानमन्त्रीमा नियुक्त भएदेखि नै भारत भ्रमणको चर्चा सुरु भएको थियो । तर दाहाल प्रधानमन्त्री बनेको ६ महिना पछि भारत भ्रमणमा जान लाग्नु भएको हो ।