काठमाडौंका मेयरको सांसद विकास कोषका लागि बजेट छुट्याएकोप्रति असन्तुष्टि

काठमाडौं, जेठ १७

काठमाडौं महानगरपालिकाका मेयर बालेन शाहले सांसद विकास कोषका लागि रकम विनियोजन गरिएकोप्रति असन्तुष्टि जनाउनु भएको छ ।

प्रत्यक्ष निर्वाचित १ सय ६५ जना सांसदका लागि ८ अर्ब २५ करोड रुपैयाँ छुट्याइएको छ ।

हिजो मंगलबार बिहान सामाजिक सञ्जाल मार्फत मेयर शाहले सांसद विकास कोषमा रकम छुट्याएपछि सांसदहरु बल्ल वडाध्यक्षको तहमा आईपुगेको टिप्पणी गर्नुभएको हो ।

उहाँले वडाध्यक्षकै काम गर्ने मन भए किन सांसद बनेको माननीज्यूहरु ? भन्दै प्रश्न पनि गर्नुभएको छ । अर्थमन्त्री डा. प्रकाशशरण महतले  संसदमा पेश गर्नुभएको बजेटमा सांसद विकास कोष ब्युँताउँदै प्रति सांसद ५ करोड रुपैयाँ विनियोजन गरिएको छ ।