नेपालले आज अमेरिकासँग प्रतिस्पर्धा गर्दै : आइसिसी क्रिकेट

---

काठमाडौं, असार ५

आईसीसी एकदिवसीय विश्वकप क्रिकेट छनोट प्रतियोगितामा मंगलबार नेपालले अमेरिकासँग खेल्दैछ ।

जिम्बावेको ताकासिङ्गा स्पोर्टस् क्लबमा नेपाली समयअनुसार दिउँसो पौने १ बजे यो खेल सुरु हुनेछ । नेपाल र अमेरिका दुबै टोली मंगलबार पहिलो जित निकाल्ने योजनामा छन् ।

छनौट प्रतियोगिताको पहिलो खेलमा नेपाललाई आयोजक जिम्बावेले हराएको थियो भने अमेरिका वेस्ट इन्डिजसँग पराजित भएको थियो । एकदिवसीय विश्वकप छनोटमा नेपाल र अमेरिकाबीच पहिलो पटक खेल हुन लागेको हो । तर, एकदिवसीय अन्तराष्ट्रियमा भने यी दुई टोली ६ पटक आमने सामने भईसकेका छन् । ६ खेलमा नेपाल ३ पटक विजेता हुँदा अमेरिकाले २ पटक जितेको छ भने एक खेल बराबरीमा सकिएको थियो ।

प्रतियोगितामा नेपाल सहित १० टोली सहभागि छन् ।