भारतमा जारी साफ च्याम्पियनसिप फुटबलको सेमिफाइनल समिकरण पूरा

---

काठमाडौं, असार १४

भारतमा जारी साफ च्याम्पियनसिप फुटबल प्रतियोगिताको सेमिफाइनल समिकरण पूरा भएको छ ।

बुधबार भएको समुह चरणको अन्तिम खेलमा लेबनान र बंगलादेश विजयी हुँदै सेमिफाइनलमा पुगेका छन् । बुधबार लेबनानले माल्दिभ्सलाई १–० ले हराउँदा बंगलादेशले भुटानमाथि ३–१ को जित निकाल्यो ।

समुहमा तिन खेलबाट लेबनानले ९ अंक जोड्यो भने ६ अंकसहित बंगलादेश दोस्रो भयो । ३ अंक जोडेको माल्दिभ्स र अंकबिहिन भुटान समुह चरणबाटै बाहिरिए ।

अर्को समुहबाट कुवेत र भारत सेमिफाइनलमा पुग्दा नेपाल र पाकिस्तान बाहिरिए ।

शनिबार हुने सेमिफाइनल खेलहरुमा कुवेत र बंगलादेश तथा लेबनान र भारत भिड्नेछन् ।