साेमबारसम्मका लागि प्रतिनिधिसभाको बैठक स्थगित

काठमाडौँ, असार २४

प्रतिनिधिसभाको बैठक भोलि (साेमबार) सम्मका लागि स्थगित भएको छ ।

आज दिउँसो ३ बजेका लागि तय भएको बैठक विशेष कारणले स्थगित भएको सङ्घीय संसद्का महासचिव डा भरतराज गौतमले जानकारी दिनुभयो ।

यसअघि दिउँसो १ बजेका लागि तय भएको बैठक प्रधानमन्त्री पुष्पकमल दाहाल प्रचण्डको आग्रहमा सभामुख देवराज घिमिरेले दुई घण्टा पछाडि अर्थात् ३ बजेका लागि सार्नुभएको थियो ।