३० असार २०८०, शनिबार ०७:४८
चितवन, असार ३०
चितवनमा हुन लागेको फिल्मी अवार्डको तयारी तीब्र रुपमा अगाडी बढेको छ । चितवनमा लक्की मिडिया हाउस चितवनले पहिलो पटक लक्की फिल्मी फिल्मी अवार्ड गर्दैछ । अवार्ड कार्यक्रमको प्रचार प्रसारको लागि अहिले मिडिया हाउसको टीम देश दौडाहामा छ । मोफसल टुरको कार्यक्रम पश्चात अहिले देशका मुख्य शहरमा अवार्डको प्रचार भइरहेको छ । आयोजकका अनुसार अवार्डको तयारी अन्तीम चरणमा पुगेको छ ।
अवार्डलाई सम्पूर्ण कलाकार, फिल्मीकर्मीको प्रतिनिधित्व हुने गरी देशका विभिन्न जिल्लामा प्रचार प्रसार गरी समेत फर्केको छ र अन्य जिल्लामा पनि प्रचार प्रसारलाई निरन्तरता दिईएको छ । अर्वाड कार्यक्रमलाई भव्य रुपमा सम्पन्न गर्न तयारी तीब्र पारिएको आयोजक संस्था लक्की मिडिया हाउसका महाप्रबन्धक हरि कार्कीले जानकारी दिनुभयो । ‘विगत केही महिनादेखि हामी अवार्डको प्रचार प्रसार र देश दौडाहामा थियौं । उहाँले भन्नुभयो, अब बांँकी कामको लागि जुटेका छौं ।’
अवार्डका लागि आवश्यक पर्ने विभिन्न चरणहरु पार गर्दै अहिले कलाकारहरुको नोमिनेशनको काम भइरहेको उहाँले बताउनुभयो । निर्णायक मण्डलले काम गरिरहको जानकारी दिदै उहाँले विभिन्न विधामा अवार्ड वितरण हुने भएकाले सोही अनुसारको नोमिनेशन र छनौटको काम तीब्र रुपमा अगाडी बढेको कार्कीले जानकारी दिनुभयो ।
नेपाली सिनेमा जगतको संरक्षण र जर्गेना गर्ने उद्धेश्य सहित फिल्मी अवार्ड गर्न लागिएको कार्कीको भनाई छ । ‘यो तरिकाको अवार्ड नेपालमै पहिलो पटक हुन्छ , जहाँ सबै कलाकारकर्मी, कलाप्रेमीले सम्मान र अपनत्व पाउनु हुन्छ ।’ कार्कीले भन्नुभयो । अवार्डमा दुई दर्जन भन्दा बढी कलाकर्मी सम्मानित हुँदै छन । उहाँले अवार्डको प्रचार प्रसारलाई अहिले देशव्यापी प्रचार-प्रसार कार्य जारी रहेको बताउनु भयो ।
चलचित्र उद्योगको प्रर्वद्धन र प्रोत्साहन, कलाकारलाई हौसला र सम्मान गर्ने लक्ष्य सहित चितवनमा फिल्मी अवार्ड कार्यक्रम हुन लागेको हो । लक्की मिडिया हाउसले गर्न लागेको फिल्मी अवार्डमा देशभरका सिने कलाकारहरुको जमघट चितवनमा हुने कार्कीले जानकारी दिनुभयो ।
