मौसम पूर्वानुमान : तत्काल धेरै भारी वर्षाको सम्भावना छैन

काठमाडौं, भाद्र १२

कोशी, मधेश र बागमती प्रदेशमा मंगलबार सामान्य बदली रही बाँकी भूभागको मौसम आंशिकदेखि सामान्य बदली रहनेछ।

मौसम पूर्वानुमान महाशाखाका अनुसार अहिले कोशी, बागमती र गण्डकी प्रदेशका थोरै स्थानमा हल्का वर्षा भइरहेको मौसम पूर्वानुमान महाशाखाले जनाएको छ ।

दिउँसो देशभर आंशिकदेखि सामान्य बदली रहनेछ। देशका पहाडी भूभागका केही स्थानमा र बाँकी भूभागका थोरै स्थानमा हल्कादेखि मध्यम वर्षाको सम्भावना छ।

राति देशका पहाडी भूभागको थोरै स्थानहरूमा र बाँकी भूभागको एकदुई स्थानमा हल्कादेखि मध्यम वर्षाको सम्भावना रहेको महाशाखाले जनाएको छ।