विप्लव संसद् छिर्न लाग्यो भनी दुष्प्रचार गरियो : महासचिव चन्द

काठमाडौं, भाद्र १६

नेपाल कम्युनिष्ट पार्टीका महासचिव नेत्रविक्रम चन्द (विप्लव)ले आफूलाई संसदमा प्रवेश गर्न लागेको भनेर दुष्प्रचार गरिएको बताउनुभएको छ ।

समाजवादी मोर्चाको सभालाई हिजो शुक्रबार पोखरामा सम्बोधन गर्दै महासचिव चन्द आफूलाई संसदमा छिर्न खोजेको भनेर बजारमा भ्रम फैलाइएको बताउनुभएको हो । उहाँले भ्रम प्रचार गर्ने मान्छेपनि सफल नहुने बताउनुभयो ।

महासचिव चन्द आउँदो दशक नेपालको समाजवादी आन्दोलनको विजय दशक बनाउने गरी समाजबादी मोर्चामा छलफल भइरहेको बताउनुभयो ।