राजनीतिक परिवर्तन भए पनि आर्थिक, सामाजिक रूपान्तरण हुन नसकेको : अध्यक्ष नेपाल

काठमाडौं, असोज ६

नेकपा एकीकृत समाजवादीका अध्यक्ष माधव कुमार नेपालले देशमा राजनीतिक परिवर्तन भए पनि आर्थिक, सामाजिक रूपान्तरण हुन नसकेको बताउनुभएको छ ।

समाजवादी पेसागत कानुन व्यवसायी संगठनको प्रथम राष्ट्रिय सम्मेलन उद्घाटन गर्दै नेपालले आर्थिक र सांस्कृतिक रूपान्तरणविना देश विकास नहुने बताउनुभयो । ‘सामाजिक, आर्थिक र सांस्कृतिक यी तीन वटै क्षेत्रको रूपान्तरण विना देशले विकास गर्न सक्दैन, हामीले परिकल्पना गरेको समाज निर्माण गर्न सक्दैनौँ’, उहाँले भन्नुभयो ।

नेपालले सोच र आँट राख्ने हो भने सबै कुरा सम्भव हुने बताउनुभयो । सोच र संकल्प छैन भने त्यस्तो व्यक्तिले केही गर्न नसक्ने उहाँको भनाइ छ ।