१५ आश्विन २०८०, सोमबार २१:४७
चितवन, असोज १५
होमस्टे महासंघ नेपालको चौथो महाधिवेशन यहि असोज २५ गतेदेखि २७ गतेसम्म माडीको बसन्तपुरमा हुने भएको छ ।
महाधिवेशनको उद्घाटन असोज २५ गते विहिबार पर्यटन मन्त्री सुदन किरातीले गर्नुहुने आज सोमबार भरतपुरमा पत्रकार सम्मेलन गरी जानकारी गराइएको हो ।
कार्यक्रम बिहान ११ बजे देखि सुरु हुनेछ भने यसको बन्द सत्र माडीको पायक पर्ने ठाउँमा राखिने महासंघका केन्द्रिय अध्यक्ष प्रेम शंकर मर्दनियाले जानकारी दिनु भयो ।
माडीको पर्यटन पर्बद्वन र जैविक विविधताको संरक्षण र सम्बर्द्धन गर्ने हेतुका साथ गर्न लागिएको सो कार्यक्रमले ग्रामीण समुदायको बिकास र रोजगारीमा टेवा पुग्ने अपेक्षा आयोजकको छ ।
प्राकृतिक सम्पदा र धार्मिक महत्वका हिसाबले समेत माडी अग्रणी रहेको हुँदा स्थानीय स्रोत र साधनको प्रयोग तथा स्थानीय क्षेत्रमा उब्जनी हुने अन्नबाली एवं तरकारी जस्ता कच्चा पदार्थको प्रयोगमा जोड दिने हेतुका साथ कार्यक्रम गर्न लागिएको बताईएको छ ।
