आज राष्ट्रपति पौडेल भूकम्पप्रभावित क्षेत्र जाने

काठमाडौं, कार्तिक २१

राष्ट्रपति रामचन्द्र पौडेल मंगलबार भूकम्पप्रभावित क्षेत्र जाजरकोट र रूकुमपश्चिम जाँदै हुनुहन्छ ।

राष्ट्रपति पौडेल भूकम्पबाट प्रभावित नागरिकको अवस्था बुझ्न आज बिहान सवा १० बजे त्यस क्षेत्रमा जान लाग्नुभएको उहाँका प्रेस संयोजक खिला कार्कीले जानकारी दिनुभयो ।

उहाँले आफ्नो युरोप भ्रमण स्थगित गरेर त्यसतर्फ जान लाग्नुभएको हो । राष्ट्रपति पौडेलले मुलकुमा विपत्ति परेका बेला विदेश भ्रमण उपयुक्त नहुने भन्दै कात्तिक २२ देखि मंसिर १ गतेसम्मको फ्रान्स, इटली र जर्मनीको भ्रमण स्थगित गर्नुभएको हो ।