चितवन हात्ती तथा पर्यटन महोत्सवमा सेल्फीकलीलाई हात्ती सुन्दरीको ताज

चितवन, पुस १२

चितवनको सौराहामा आयोजना गरिएको १७औँ चितवन हात्ती तथा पर्यटन महोत्सवअन्तर्गत हिजो गरिएको हात्ती सुन्दरी प्रतियोगितामा सेल्फीकलीले उपाधि जितेकी छिन्।

छ वटा हात्तीलाई पछि पार्दै १७ वर्षीया सेल्फीकलीले ताज पहिरिएकी हुन्। यसपाली सुन्दरीमा ७ हात्तीलाई सहभागी गराइएको थियो ।

हात्ती महोत्सवको हिजो  दोस्रो दिन सुन्दरी प्रतियोगिता भएको हो। आज राप्ती नदीमा डुङ्गा दौड, शुक्रवार हात्तीको वनभोज र शनिवार समापन कार्यक्रम हुने छ।