प्रधानमन्त्री कप महिला क्रिकेट : आज कोशी र सुदूरपश्चिम भिड्दै

---

काठमाडौं, पुस १६

प्रधानमन्त्री कप महिला राष्ट्रिय टी–२० क्रिकेटमा सोमबार दोस्रो क्वालिफायर खेल हुँदैछ।

त्रिवि क्रिकेट मैदान कीर्तिपुरमा बिहान ११ बजे शुरु हुने खेलमा कोशी प्रदेश र सुदूरपश्चिम प्रदेशको महिला टोलीबीच प्रतिस्पर्धा हुनेछ। कोशी पहिलो क्वालिफायर खेलमा एपीएफसँग पराजित भएको थियो।

सुदूरपश्चिमले एलिमिनेटर खेलमा बागमती प्रदेशलाई पराजित गरेको थियो। यी दुवै टोली फाइनल प्रवेशका लागि आज जितको लक्ष्यमा छन्।