भरतपुरको श्री पुष्पाञ्जली हस्पिटलको अध्यक्षमा चेतनाथ वाग्ले पुनर्चयन

---

चितवन, पुस २० 

चितवनको भरतपुर १० मा रहेको श्री पुष्पाञ्जली अस्पताल प्रालिको १४औं साधारणसभा तथा चौथो अधिबेशन आज शुक्रबार सम्पन्न भएको छ । अधिबेशन बाट चार बर्षको कार्यकालका लागि संचालक समितीको अध्यक्ष पदमा चेतनाथ वाग्ले पुनर्चयन हुनुभएको छ ।

यसैगरी सदस्यमा डा. भोजराज अधिकारी, केशवराज लामिछाने, डा. किरण देबकोटा, तेजनारायण खरेल, राजेन्द्र पन्त र सदस्य सचिबमा सुजनराज अधिकारी चयन हुनुभएको हो ।

भरतपुर १० स्थित बालमन्दिर रोडमा अबस्थित पुष्पाञ्जली अस्पताल वि.स. २०६६ सालदेखि संचालनमा आएको हो । स्वास्थ्य मन्त्रालयबाट विभिन्न समयमा जारी भएको निर्देशन अनुरुप १०० बेडको अस्पताल निर्माणको अन्तिम चरणमा पुगेको अस्पतालले जनाएको छ ।