चितवनको आरम्भ कलेज: पहिलो बर्षमै ९७ प्रतिशत विद्यार्थी भर्ना गराउन सफल

चितवन, फागुन १

चितवनको भरतपुरमा आरम्भ कलेज सञ्चालनमा आएसंगै पहिलो बर्षमा नै ९७ प्रतिशत विद्यार्थी भर्ना गराउन सफल भएको छ ।

त्रिभुवन विश्वविद्यालयबाट सम्बन्धन प्राप्त गरी भरतपुर ११ स्थित नहरचोकमा आरम्भ कलेज सञ्चालनमा आएको हो । कलेजले आफ्नो स्थापनाकालदेखि स्नातक तहका बिआइएम र बिएचएम अध्यापन गराउदै आइरहेको छ । दुवै संकायको अध्यापन चार बर्षको हुने कलेजका अध्यक्ष सुरेन्द्र सुवेदीले जानकारी दिनुभयो ।

कलेजले व्यवहारिक,सैद्धान्तिक तथा विश्वव्यापिकरणका लागि चाहिने आधारभूत शिक्षा प्रणालीलाई जोड दिँदै कक्षा संचालन गर्न लागेको उहाँले बताउनुभयो । बिआइएम र बिएचएम संकायका कार्यक्रमबाट प्रविधि र होटल व्यवस्थापनमा विद्यार्थीहरुलाई पूर्ण रुपमा योग्य, सक्षम र सफल बनाउने विश्वास कलेजले लिएको कलेजका प्रिन्सिपल सुरज सिवाकोटीले बताउनुभयो ।

उहाँका अनुसार कलेजमा विद्यार्थी अनुकुल वातावरणमा अध्यापन गराइने छ । कलेजले दुवै संकायमा ६६/६६ जना विद्यार्थी भर्ना गर्न पाउनेगरी सम्बन्धन प्राप्त गरेको छ ।

अत्याधुनिक प्रविधि सहित संचालन गरिएको यस कलेजले साथसाथै विद्यार्थीका लागि गाडीको समेत व्यवस्था गरेको छ । यहाँ पढ्ने विद्यार्थीहरुका लागि पहिलो बर्ष १ करोड ३२ लाख बराबरको छात्रबृत्ति प्रदान गर्ने निर्णय समेत कलेजले अघिल्लो पत्रकार सम्मेलन मार्फत जनाएको थियो ।