चितवन, फागुन ४
नेपाल जनस्वास्थ्य प्रतिष्ठान अन्तर्गत कृषि स्वास्थ्य र वातावरण नेपाल परियोजनाले सप्ताहव्यापी विषादी न्यूनीकरण सम्बन्धि प्लेकार्ड सहित र्याली संचालन गरेको छ ।
आज भरतपुर ११ स्थित बसेनीमा रहेको श्री सिद्धिबिनायक माध्यमिक विद्यालयमा अध्ययनरत कक्षा ८ र ९ का विद्यार्थीहरुलाई विषादी मुक्त समाज निर्माण गरौं भन्ने सन्देशका साथ र्याली निकालिएको हो ।
उक्त र्याली भरतपुर ११ का विभिन्न टोल हुँदै पुनः सिद्धिबिनायक माबिमा आएर सम्पन्न भएको हो । र्यालीमा विद्यार्थीहरुले बिषादी प्रयोग नगरौं, खानपानमा ध्यान दिउँ, जथाभावी रासायनिक मल किटनाशक औषधिको प्रयोग नगरौं जस्ता प्लेकार्ड सहित र्याली गरेका थिए ।
हामीले प्रयोग गर्ने विषादीले बाताबरण, बोटबिरुवा र अन्नबाली र मानव स्वास्थ्यलाई पर्ने असरका बारेमा समुदायस्तरमा चेतना जगाउनका लागि परियोजनाले काम गर्दै आइरहेको कृषि संयोजक सिर्जना भट्टराईले जानकारी दिनुभयो । उहाँका अनुसार, चितवन जिल्ला क्षेत्रभित्रका कृषक, खुद्रा व्यबसायी, विद्यार्थी र शिक्षकहरुलाई तालिममा सहभागी गराएको उहाँको भनाइ छ ।
३ बर्षसम्म चितवनमा संचालन हुने सो परियोजनाले कृषि क्षेत्रको अवस्था र हामीले प्रयोग गर्ने रासायनिक मलले मानव स्वास्थ्यलाई पार्ने असरका बारेमा जानकारी गराउदै आइरहेको जनाईएको छ ।
