चितवन, फागुन ८
चितवन मदिरा तथा प्रोभिजनल व्यवसायी संघले प्रजातन्त्र दिवसको अवसरमा खुला रक्तदान कार्यक्रम सम्पन्न गरेको छ । संघ चितवनका अध्यक्ष गोविन्द पाण्डेको अध्यक्षतामा सम्पन्न कार्यक्रममा उद्योग वाणिज्य संघ चितवनका अध्यक्ष सुमनकुमार श्रेष्ठ प्रमुख अतिथिको रूपमा रहनुभएको हो ।
भरतपुरको चौबीसकोठीमा सोमबार सम्पन्न कार्यक्रममा ८९ ले रक्तदान गरेका कार्यक्रम संयोजक रामबहादुर बस्नेतले जानकारी दिनुभयो ।
चितवनका अस्पतालमा रक्त अभाव हुन नदिनको लागि यस्ता कार्यक्रमले ठूलो सहयोग मिल्ने संघका महासचिव निर्मल पौडेलले बताउनुभयो ।
जिल्ला रेडक्रस सोसाइटी भरतपुरको सहकार्य र नेपाल बजार बिक्री प्रतिनिधि संघ नारायणी क्षेत्रीय समिति, भरतपुर जनसेवा बचत तथा ऋण सहकारी संस्था लिमिटेडको सहआयोजनामा उक्त कार्यक्रम सम्पन्न गरिएको थियो ।
‘रक्तदान जीवन दान’ भन्ने मूल नाराका साथ कार्यक्रम आयोजना गरिएको आयोजकले जनाएको छ ।
