आज नेपाली क्रिकेट टिमले यूएईसँग एकदिवसीय खेल्दै

कठमाडौं, २८ कात्तिक 

नेपाली राष्ट्रिय क्रिकेट टिमले आफ्नो घरेलु मैदानमा सोमबार यूएईविरुद्ध एकदिवसीय खेल खेल्दै छ। तीन खेलको श्रृंखलाअन्तर्गत नेपाल र यूएईबीच सोमबार पहिलो खेल हुन लागेको हो ।

नेपाली टोलीका प्रशिक्षक मनोज प्रभाकरले यूएईसँगको श्रृंखलालाई क्रिकेट विश्वकप लिग २ अन्तर्गत नामिबियाविरुद्ध खेलको तयारीका लागि महत्त्वपूर्ण हुने बताउनु भयो  । युएईका प्रशिक्षक रोबिन सिंहले विश्वकपमा सुपर १२ मा पुग्न नसके पनि आफ्नो टिमले राम्रो प्रदर्शन गरेको  र   नेपालसँग श्रृंखलाका लागि यूएई आत्मविश्वासी रहेको बताउनु भएको छ  ।

नेपाल र यूएईबीचको दोस्रो खेल बुधबार र तेस्रो खेल शुक्रबार हुनेछ।