नीति तथा कार्यक्रम : एक हजार युवालाई स्टार्टअप व्यवसाय सञ्चालन गर्न सहुलियत कर्जा दिइने

काठमाडौँ, जेठ १

सरकारले आगामी आर्थिक वर्षमा कम्तीमा एक हजार युवालाई स्टार्टअप व्यवसाय सञ्चालन गर्न सहुलियत कर्जा प्रदान गर्ने नीति लिएको छ ।

मंगलबार आउँदो आर्थिक वर्षको नीति तथा कार्यक्रम प्रस्तुत गर्दै राष्ट्रपति रामचन्द्र पौडेलले सो जानकारी गराउर्नुभयो ।

त्यस्तै, वैदेशिक रोजगारीबाट फर्केका युवा दलित, महिला तथा सीमान्तकृत समुदायको उद्यमशीलता विकास गर्ने जनाइएको छ । आगामी आर्थिक वर्षमा एक हजार लघुघरेलु उद्योगीलाई व्याजमा अनुदान तथा प्रविधि उपलब्ध गरिने राष्ट्रपति पौडेलले बताउनुभयो ।