काठमाडौं , पुस ९
नेपाल टी–२० क्रिकेट प्रतियोगिता शनिबार सुरु हुँदैछ। नेपाल क्रिकेट संघ (क्यान) को आयोजनामा हुन लागेको प्रतियोगिता यसअघि ४ पटक स्थगित भइसकेको छ ।
क्यानले पहिलो पटक नेपाल टी–२० का नाममा फ्रेन्चाइज प्रतियोगिता गर्न लागेको हो।उद्घाटन खेलमा काठमाडौ नाइट्सले पोखरा एभेन्जर्सविरुद्ध खेल्ने छ। खेल बिहान सवा ९ बजे सुरु हुनेछ। शनिबार नै हुने प्रतियोगिताको दोस्रो खेलमा लुम्बिनी अल स्टार र फार वेस्ट युनाइटेडबीच प्रतिस्पर्धा हुनेछ।
दोस्रो खेल सवा १ बजे त्रिवि मैदान कीर्तिपुरमा सुरु हुने छ। दुवै खेल कीर्तिपुरस्थित त्रिवि मैदानमा हुने कार्यतालिका छ। यस प्रतियोगिताको फाइनल खेल २७ गते हुने छ।
पहिलो संस्करणको लिगमा ६ टोलीको सहभागिता रहनेछ। यो लिगमा काठमाडौं नाइट, पोखरा एभेन्जर्स, फार वेस्टर्न युनाइटेड, जनकपुर रोयल्स, विराटनगर सुपर किंग्स र लुम्बिनी अल स्टार छन्। प्रतियोगिताको हरेक दिन दुई खेल हुने छ।
