लिगको अन्तिम खेलमा कर्णाली र सुदूरपश्चिमको भिडन्त

---

काठमाडौँ, पुष १

नेपाल प्रिमियर लिग (एनपीएल) अन्तर्गत आज एक खेल हुदै छ । एनपीएलको लिग चरणको अन्तिम खेलमा आज सुदूरपश्चिम रोयल्स र कर्णाली याक्स भिड्दै छन् ।

यो खेल बिहान ९: १५ बजेदेखि शुरु हुने छ । सुदूरपश्चिम रोयल्स अंक तालिकामा शिर्ष स्थानमा रहदै प्लेअफमा पुगिसकेको छ भने दोस्रो स्थानमा रहेको जनकपुर र तेस्रो स्थानमा रहेको चितवन पनि प्लेअफमा पुगिसकेका छन् । अब प्लेअफमा पुग्ने चौथो टिमको तय यस खेलबाट हुने छ ।

कर्णालीले यो खेल जितेमा प्लेअफमा स्थान सुनिश्चित हुने छ भने हार बेहोरेमा रनरेटको आधारमा कर्णाली र काठमाडौँ गुर्खाजबीच एक टिम प्लेअफमा पुग्ने छ ।