आजको राशिफल: २०८२ असार २० गते शुक्रबार

---

आजको राशिफल बि.सं. २०८२ असार २० गते शुक्रबार ई.सं. २०२५ जुलाई ०४ नेपाल सम्बत ११४५ दिल्लाथ्व नवमी, सिद्धार्थि नाम संवत्सर सूर्य उत्तरायनं, ग्रिष्म ऋतु, असार शुक्ल नवमी, चन्द्रमा तुला राशिमा, चित्रा नक्षत्र, शिव योग, कौलव करण । आज नेपालमा सुर्योदय बिहान ०५ बजेर १२ मिनेटमा भएको छ भने सूर्यास्त साँझ ०७ बजेर ०३ मिनेटमा हुनेछ ।

मेष (चु, चे, चो, ला, लि, लु, ले, लो, अ)
स्वास्थ्यमा सकारात्मक सुधार देखिनेछ। व्यापार तथा व्यवसायमा लाभको सम्भावना उच्च रहेको छ। वैदेशिक लगानी वा अन्तर्राष्ट्रिय सम्पर्कबाट फाइदा मिल्ने समय हो। सामाजिक एवं परोपकारी क्षेत्रमा तपाईको योगदानको प्रशंसा हुनेछ।

बृष (इ, उ, ए, ओ, बा, बि, बु, बे, बो)
शारीरिक स्वास्थ्य सन्तोषजनक रहनेछ। इमान्दार प्रयासमार्फत लक्ष्यमा पुग्न सहज हुनेछ। भौतिक सम्पत्ति विस्तारका सम्भावना बलियो देखिन्छ। शैक्षिक सफलता तथा प्रेम सम्बन्धमा नजिकको अनुभूति आजको विशेषता बन्नेछ।

मिथुन (का, कि, कु, घ, ङ, छ, के, को, ह)
नयाँ स्थानको भ्रमणले मानसिक ताजगी ल्याउनेछ। पुराना मित्रहरूसँग पुनर्मिलनको अवसर प्राप्त हुनेछ। स्वास्थ्य सम्बन्धी क्षेत्रमा गरिएको लगानी लाभदायक हुने संकेत छन्। पारिवारिक मामिलामा मनमुटाव देखिन सक्ने भएकाले संयमता अपनाउनु उपयुक्त हुनेछ।

कर्कट (हि, हु, हे, हो, डा, डि, डु, डे, डो)
अवाञ्छित आरोप वा गलत बुझाइको सामना गर्नुपर्ने सम्भावना छ। राजनीतिक गतिविधिमा विवादको संकेत देखिन्छ। सामाजिक क्षेत्रमा नयाँ लगानी हाललाई टार्नु उचित हुनेछ। परिवारको साथ र समर्थनले मनोबल उच्च रहनेछ, प्रेम सम्बन्धमा सुधार आउनेछ।

सिंह (मा, मि, मु, मे, मो, टा, टि, टु, टे)
दीर्घकालदेखि रोकिएको कार्य सम्पन्न हुने संकेत छन्। सामाजिक प्रतिष्ठा बढ्ने समय हो। तर, निर्णय क्षमतामा कमजोरी देखिन सक्छ, जसले पारिवारिक विवाद निम्त्याउन सक्छ। शैक्षिक लगानीबाट लाभ मिल्नेछ भने राजनीतिक भेटघाटबाट उत्साह थपिनेछ।

कन्या (टो, प, पि, पु, ष, ण, ठ, पे, पो)
व्यावसायिक क्षेत्रमा लाभदायक अवसर मिल्नेछ। शैक्षिक क्षेत्रमा सफलता प्राप्त हुनेछ। यद्यपि, मानसिक चञ्चलता बढ्नाले पूर्ण सन्तुष्टि महसुस नहुन सक्छ। पारिवारिक भेटघाट सुखद र सौहार्दपूर्ण रहनेछ।

तुला (र, रि, रु, रे, रो, ता, ति, तु, ते)
वाकशक्तिको प्रभावले सकारात्मक परिणामहरू प्राप्त गर्न सकिनेछ। समाजसेवा तथा परोपकारी कार्यमा सक्रियता देखिन सक्छ। वैदेशिक लगानीबाट लाभ हुने संकेत छन्। स्वास्थ्यमा गरिएको ध्यानले प्रतिफल दिन सक्छ। परिवारको सल्लाहअनुसार अघि बढ्दा सफलता प्राप्त हुनेछ।

वृश्चिक (तो, ना, नि, नु, ने, नो, या, यि, यु)
मनस्थितिमा अस्थिरता तथा कार्यमा बाधा उत्पन्न हुने देखिन्छ। मानसिक अशान्तिले प्रभाव पार्न सक्ने भएकाले धार्मिक कार्यमा संलग्न हुँदा लाभ हुनेछ। कठिन समयमा परिवारको साथ उपयोगी रहनेछ।

धनु (ये, यो, भ, भि, भु, ध, फा, ढ, भे)
दिन रमाइलो र उपलब्धिपूर्ण रहनेछ। साथीभाइको साथ सहयोग प्राप्त हुनेछ। रोकिएका कामहरू सम्पन्न हुनेछन्। शैक्षिक क्षेत्र र स्वास्थ्यमा सुधार देखिनेछ। यद्यपि, पारिवारिक संवेदनशील विषयमा सजगता आवश्यक छ। सामाजिक कार्यमा सहभागिता मनोबल बढाउनेछ।

मकर (भो, ज, जि, खि, खु, खे, खो, गा, गि)
उठ्नुपर्ने रकम प्राप्त हुने समय हो। पूर्वमा गरिएको परिश्रमबाट उल्लेखनीय प्रतिफल मिल्नेछ। मानसिक शान्ति कायम रहनेछ। अप्रत्याशित रूपमा पुराना साथीहरूसँग पुनर्मिलनको सम्भावना रहन्छ।

कुम्भ (गु, गे, गो, सा, सि, सु, से, सो, द)
संयमित वाणी प्रयोग गर्नु उपयुक्त हुनेछ, अन्यथा झुटा आरोप लाग्न सक्छ। मानसिक अशान्तिले प्रभाव पार्न सक्ने भएकाले ध्यान तथा धार्मिक कार्यमा संलग्नता लाभदायक हुनेछ।

मीन (दि, दु, थ, झ, ञ, दे, दो, च, चि)
खर्चमा नियन्त्रण रहनेछ, जसले लगानीयोग्य क्षेत्र पहिचान गर्न सजिलो बनाउनेछ। राजनीतिमा संलग्न व्यक्तिहरूले राज्यको विशेष सुविधा प्राप्त गर्ने सम्भावना छ। शिक्षासम्बन्धी पेशा वा व्यवसायमा उल्लेखनीय आम्दानीको संकेत छ।