डब्लूपीएलको फाइनलमा पुग्यो रोयल च्यालेन्जर्स

काठमाडौँ, माघ १६ 

रोयल च्यालेन्जर्स बेंगलुरु महिला प्रिमियर लिग (डब्लूपीएल) को फाइनलमा प्रवेश गरेको छ । बिहीबार भएको महत्त्वपूर्ण खेलमा यूपी वारियर्सलाई ८ विकेटले पराजित गर्दै आरसीबीले शीर्ष स्थानमा रहँदै फाइनलको टिकट पक्का गरेको हो।

यूपी वारियर्सले दिएको १४४ रनको लक्ष्य आरसीबीले मात्र १३.१ ओभरमा २ विकेट गुमाएर पूरा ग¥यो । आरसीबीको जितमा ग्रेस ह्यारिसले विष्फोटक ब्याटिङ गर्दै मात्र ३७ बलमा ७५ रन बनाइन् भने कप्तान स्मृति मन्धानाले ५४ रनको अविजित योगदान दिइन्।

बलिङतर्फ नादिन डी क्लार्कले उत्कृष्ट प्रदर्शन गर्दै ४ विकेट लिएकी थिइन्। यो जितसँगै आरसीबी ८ खेलबाट १२ अंक जोड्दै तालिकाको शीर्ष स्थानमा छ। अब आरसीबीले सिधै फेब्रुअरी ५ मा हुने फाइनल खेल खेल्नेछ।