फागुन २० गते रन फर ओबेसिटी म्याराथन गर्ने

---

काठमाडौं ,माघ २०

आगामी फागुन २० गते एनआरएस स्पोर्ट्स फाउण्डेशनले  रन फर ओबेसिटी म्याराथन गर्ने भएको छ ।

संस्थाले शुक्रबार काठमाडौंमा पत्रकार सम्मेलन गरी यसबारे जानकारी गराएको हो ।

म्याराथन ५ किलोमिटरको हुने छ । म्याराथनमा सहभागी हुनका लागि खल्ती एपबाट २ सय रुपैयाँ भुक्तानी गरी दर्ता गराउनुपर्ने आयोजकले जनाएको छ ।

भुक्तानी गरेसँगै टिसर्ट सहितका सामग्रीहरु प्रदान गर्ने पनि आयोजकले जनाएका छन् । म्याराथन वसन्तपुरबाट शुरु भइ रत्नपार्क, नागपोखरी, दरबारमार्ग, न्युरोड हुँदै बसन्तपुरमै गएर टुंगिने छ ।

म्याराथन बिहान साढे ६ बजे सुरु भइ साढे ७ बजे समापन हुने  आयोजकले जनाएका छन् ।आयोजकले म्याराथनमा १ हजार जना सहभागी गराउने लक्ष्य लिएको छ ।