प्रेरणा स्कुलमा स्काउटको प्रथम दिक्षान्त समारोहमा ३२ जना दिक्षीत

चितवन,  फागुन ५

भरतपुर स्थित प्रेरणा स्कुलमा रहेको स्काउटका ३२ बिद्यार्थी दीक्षीत भएका छन् । बिहिबार बिद्यालयमा आयोजित दिक्षान्त समारोहमा स्काउटमा रहेका ३४ जना कुल सदस्य मध्य ३२ जना बिद्यार्थी दिक्षीत भएका हुन् । दिक्षीत भएकाहरु नेपाल स्काउटमा समेत सदस्य बनेका छन् । अन्य दुइ जनालाइ भने पुन एक कार्यक्रमको आयोजना गरी दिक्षीत गरिने प्रेरणा स्काउटका संयोजक रुपेश थपलियाले बताउनुभएको छ ।

स्काउट संयोजक थपलियाले दिक्षीत भएका सबै बिद्यार्थीलाइ बधाइ तथा शुभकामना दिनुभएको छ । ३ महिनाको स्काउटको आधारभुत तालिम सम्पन्न गरेर नेपाल स्काउटको सदस्य बनेकोमा आफु खुशी हुदै आगामी दिनहरुमा थप जिम्मेवारी सहित अघि बढ्न आग्रह गर्नुभएको छ । अहिले सम्म आफ्नो लागि गर्नुभयो, अब अरुको खुशीको लागि काम गर्नुस, तब बल्ल तपाइ स्काउटको सदस्य भएको औचित्य रहनेछ थपलियाले भन्नुभयो ।

करिब १ बर्षको दौरानमा स्काउटले आफुँमा धैरै सकारात्मक परिवर्तन ल्याएको प्रेरणा स्काउटकि गर्लस लिडर प्रेस्ना जिसीले बताउनुभयो । कक्षा ९ मा अध्ययनरत जिसीले स्काउटले आफुमा आत्मविश्वास बढाएको पनि बताउनुभएको छ । पहिले काम गर्नै मन लाग्थेन , अहिले साथीहरु संग समुहमा काम गर्न सिके, समुहमा कसरी काम गर्ने ? नेतृत्व कसरी लिनुपर्छ ? सबै स्काउटले सिकायो, सिकेका कुरालाइ आफ्नो जिवनमा लागु गर्नेछु , जिसीले भन्नुभयो । यस्तै स्काउटमा लागेर कुनै नोक्सानी नभएको बोइज लिडर सिजन सुनारको भनाइ रहेको छ । अनुशासन , मानवता र समर्पण स्काउटले सिकाएको भन्दै रोबर रेन्जर बनेर स्वयंमसेवामा जिवन समपर्ण गर्ने सुनारले बताउनुभयो । स्काउटले गर्दा छोराछोरीमा आएको परिवर्तनले आफुहरु खुशी भएको अभिभावकहरुले  बताउनुभएको थियो  ।

बिद्यालयका प्राचार्य मोहन लामाको अध्यक्षता, भरतपुर महानगर स्काउट तदर्थ समितिका संयोजक शिव बरालको प्रमुख आतिथ्यतामा सम्पन्न दीक्षान्त समारोहमा नेपाल पत्रकार महासघं , चितवनका उपाध्यक्ष प्रकाश ज्ञवाली, पत्रकार संदीप शेष्ठ लगायतको उपस्थिति रहेको थियो ।