राष्ट्रपतिसमक्ष निर्वाचन आयोगले बुझायो प्रतिवेदन

काठमाडौं ,फागुन २६

राष्ट्रपतिको निर्वाचनमा रामचन्द्र पौडेल निर्वाचित भएको प्रतिवेदन निर्वाचन आयोगले राष्ट्रपति विद्यादेवी भण्डारीलाई बुझाएको छ ।

प्रमुख निर्वाचन आयुक्त दिनेशकुमार थपलियाले बिहीबार सम्पन्न राष्ट्रपतिको निर्वाचनबाट नेपाली कांग्रेसका उम्मेदवार पौडेल निर्वाचित भएको प्रतिवेदन बुझाउनुभएको हो ।

राष्ट्रपति भण्डारीको कार्यकाल सकिएसँगै नयाँ राष्ट्रपतिको निर्वाचन भएको हो ।  राष्ट्रपतिमा निर्वाचित पौडेलले सोमबार पद तथा गोपनियताको सपथ लिदै हुनुहुन्छ । राष्ट्रपति निर्वाचनमा नेपाली कांग्रेसबाट रामचन्द्र पौडेल र नेकपा एमालेबाट सुवास नेम्वाङ उम्मेदवार बन्नुभएको थियो ।