शतप्रतिशत सांसदको विश्वासको मत मिल्ने : प्रधानमन्त्री दाहाल

---

काठमाडौं, चैत्र ५

प्रधानमन्त्री पुष्पकमल दाहालले आफूले प्रतिनिधि सभा बैठकबाट शतप्रतिशत सांसदहरुको विश्वासको मत पाउने आशा राखेको बताउनुभएको छ ।

आइतबार प्रतिनिधि सभा बैठकबाट बाहिरिने क्रममा सञ्चारकर्मीहरुको जिज्ञासाको जवाफ दिँदै प्रधानमन्त्री दाहालले सोमबारको बैठकमा आफुले सय प्रतिशत नै सांसदको विश्वासको मत प्राप्त गर्ने आशा राखेको बताउनुभएको हो ।

उहाँले पहिला ९९ दशमलब २५ प्रतिशत सांसदहरुको विश्वासको मत पाएको उल्लेख गर्दै उहाँले यो सय प्रतिशत पुग्ने आशा व्यक्त गर्नुभयो ।

प्रधानमन्त्री दाहालले सामबारको प्रतिनिधि सभा बैठकमा विश्वासको मत लिने कार्यसूची रहेको छ ।