भरतपुर अस्पताल क्षेत्रमा गुट्खा निषेध

चितवन, चैत्र १७

चितवनमा रहेको भरतपुर अस्पतालमा गुट्खा निषेध गरिएको छ । अस्पतालले  एक सूचना जारी गर्दै अस्पताल परिसरमा धुम्रपान तथा मद्यपान निषेधित क्षेत्र भएको भन्दै गुट्खा,चुरोट,पराग विडी खैनी जस्ता सूर्तिजन्य पदार्थ तथा मादक पदार्थ सेवन गरेको पाइएमा कारवाही गर्ने जनाएको हो ।

भरतपुर अस्पताल प्रशासनले सेवन गरेको पाइएमा १ हजार र बिक्री वितरण गरेको पाइएमा ५ हजार जरिवाना गर्ने सूचना मार्फत जानकारी गराएको छ ।