काठमाडौं, चैत्र १९
निर्वाचन आयोगले १० वैशाखमा हुने उपनिर्वाचनका लागि उम्मेदवारको मनोनयन पत्र पेश गर्न जाँदा उम्मेदवार, प्रस्तावक र समर्थकसहित २५ जनाभन्दा बढीको जुलुस लिएर जान नपाइने जनाएको छ।
उपनिर्वाचनका लागि तनहुँ १, चितवन २ र बारा २ मा भोलि (सोमबार) उम्मेदवारको मनोनयन दर्ताको समय आयोगले तोकेको छ। यसैसम्बन्धमा आयोगका प्रवक्ता शालिग्राम शर्मा पौडेलले विज्ञप्ति जारी गर्दै उम्मेदवारको मनोनयन गर्न जाँदा बाजागाजा, झाँकी तथा निर्वाचन आचारसंहिता, २०७९ विपरीतका व्यानर, चिह्न र झण्डासहित जान नहुने उल्लेख गर्नुभएको छ ।
उपनिर्वाचनलाई, स्वच्छ, स्वतन्त्र, निष्पक्ष, पारदर्शी र भयमुक्त बनाउन उम्मेदवारको मनोनयनको समयमा उम्मेदवार र राजनीतिक दलले देहाय बमोजिमका कामकारवाही नगर्न नगराउन राजनीतिक दल र उम्मेदवारहरूलाई राजनीतिक दल सम्बन्धी ऐन, २०७३ को दफा ५७ बमोजिम निर्वाचन आयोगले निर्देशन दिने निर्णय गरेको विज्ञप्तिमा उल्लेख छ।
प्रवक्ता पौडेलले जारी गरेको विज्ञप्तिमा उपनिर्वाचनका लागि सम्बन्धित क्षेत्रमा यही चैत १८ गते सञ्चालनमा आएका मुख्य निर्वाचन अधिकृतको कार्यालयमा सोमबार बिहान १० बजेदेखि साँझ ५ बजेसम्म उम्मेदवारको मनोनयन पत्र दर्ता हुने उल्लेख छ।
आयोगको विज्ञप्ति :
