अर्थतन्त्रमा देखिएका समस्या समाधानका लागि सामूहिक प्रयास आवश्यक : अर्थमन्त्री महत

काठमाडौँ, बैशाख १४

अर्थमन्त्री डा.प्रकाश शरण महतले अर्थतन्त्रमा देखिएका समस्या समाधानका लागि सामूहिक प्रयास आवश्यक रहेका बताउनुभएको छ ।

हिजो राष्ट्रियसभा बैठकमा जरुरी सार्वजनिक महत्त्वको प्रस्तावमाथिको छलफलमा उठेका विषयमा जवाफ दिँदै अर्थमन्त्री डा.प्रकाश शरण महतले अर्थतन्त्रमा देखिएका समस्या समाधानका लागि सामूहिक प्रयास आवश्यक रहेको बताउनु भएको हो ।

उहाँले अर्थतन्त्रमा देखिएका समस्या समाधानका लागि अर्थतन्त्र चलायमान गराउन आफ्नो प्रयास केन्द्रित गर्ने बताउनुभयो ।

अर्थमन्त्री महतले अर्थतन्त्रलाई सुधार तर्फ उन्मुख गराउन सरकारका पूर्ण रुपमा इमान्दारिताका साथ लागि पर्ने बताउँदै देश र जनतालाई केन्द्रमा राखेर काम गर्ने प्रतिबद्धता समेत व्यक्त गर्नुभयो ।