प्रधानन्यायाधीश नियुक्ति नभए थप आन्दोलन गर्ने: अध्यक्ष घिमिरे

काठमाडौं, बैशाख २०

प्रधानन्यायाधीश नियुक्तिको माग गर्दै नेपाल बार एशोसिएसनले तेस्रो दिन पनि बिरोध प्रदर्शन गरेको छ ।

बारले संवैधानिक परिषद्लाई प्रधानन्यायाधीश नियुक्तिका लागि दवाव दिंदै हिजो मंगलबार पनि बिरोध प्रदर्शनलाई निरन्तरता दिएको हो । बार एशोसिएसनका अध्यक्ष गोपालकृष्ण घिमिरेले मंगलबार सञ्चारकर्मीहरुसँग कुरा गर्दै अविलम्व प्रधानन्यायाधीश नियुक्ति नभए थप आन्दोलनका कार्यक्रम अघि बढाउने चेतावनी दिनुभयो । उहाँले आन्दोलन एक हप्तासम्म जारी रहने बताउनुभयो ।