४३ जनामा कोरोना संक्रमण, १ जनाको मृत्यु

काठमाडौं, बैशाख २१

देशभर थप ४३ जनामा कोरोना संक्रमण पुष्टि भएको छ भने १ जनाको मृत्यु भएको छ ।

पछिल्लो २४ घण्टामा १३ सय १ जनाको नमूना परीक्षण गरिएको थियो ।

७ सय ४१ जनाको पीसीआर र ५ सय ६० जनाको एन्टीजेन विधिबाट नमूना परीक्षण गरिएको थियो । उक्त परीक्षणमा ४३ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।

हाल २ सय २ जना कोरोनाका सक्रिय संक्रमित रहेका छन् ।

बिहीबार ५० जना संक्रमणमुक्त भएका छन् ।