संघीय संसदका दुवै सदनकाे बैठक आज

काठमाडौं, बैशाख २५

संघीय संसद अन्तर्गत प्रतिनिधि सभा र राष्ट्रिय सभाको बैठक साेमबार पनि बस्दैछ ।

नयाँ बानेश्वरस्थित संघीय संसद भवनमा साेमबार बिहान ११ बजे प्रतिनिधि सभाकाे बैठक बस्ने भएकाे हाे। संसदमा साेमबारदेखि बजेटका सिद्धान्त तथा प्राथमिकता (प्रि-बजेट) माथि छलफल सुरु हुने भएको संसद सचिवालयले जनाएकाे छ ।

साेमबार बिहान ११ बजेदेखि साँझ ५ बजेसम्म प्रि-बजेटमाथि छलफल गर्ने र २७ गते अर्थमन्त्री डा. महतले जवाफ दिने कार्यक्रम तय भएको छ । प्रतिनिधि सभाको बजेट अधिवेशन सुरु भएको पहिलो दिन आइतबार अर्थमन्त्री महतले आगामी वर्षकाे बजेटका सिद्धान्त तथा प्राथमिकता प्रस्तुत गर्नुभएकाे थियाे । साेमबारदेखि त्यसैमा छलफल हुन लागेको हो ।

त्यस्तै, राष्ट्रिय सभाको बैठक पनि साेमबार बिहान १०:३१ बजे बस्ने सचिवालयले जनाएकाे छ ।