चालु आर्थिक वर्षको दश महिनामा मुलुकको व्यापार घाटा १२ खर्ब ४ अर्ब

---

काठमाडौं, जेठ ८ 

चालु आर्थिक वर्षको दश महिनामा मुलुकको व्यापार घाटा १२ खर्ब ४ अर्ब पुगेको छ ।

यो व्यापार घाटा अघिल्लो वर्षको तुलनामा भने कम हो । अघिल्लो वर्ष सोही समयमा मुलुकको व्यापार घाटा १४ खर्ब ३१ अर्ब पुगेको थियो ।

आयातमा कमी आएसँगै मुलुकको व्यापार घाटामा राहत मिलेको हो । चालु आर्थिक वर्षको साउनदेखि बैशाखसम्म गरी दश महिनाको अवधिमा कुल १३ खर्ब ३५ अर्ब रुपैयाँको आयात भएको छ ।

गत वर्षको सो अवधिमा आयात १६ खर्ब ४ अर्ब थियो । आयात १६.७८ प्रतिशत घटेको हो ।

अघिल्लो वर्ष सोही अवधिमा १ खर्ब ७३ अर्ब रुपैयाँको निर्यात भएको थियो ।

दश महिनाको अवधिमा मुलुकबाट १ खर्ब ३० अर्ब रुपैयाँ बराबरको सामान निर्यात भएको छ ।