मीनबहादुर विश्वकर्मा कांग्रेस प्रचार विभागको प्रमुखमा मनोनीत

काठमाडौँ, जेठ १२

नेपाली कांग्रेसका केन्द्रीय सदस्य मीनबहादुर विश्वकर्मा पार्टीको केन्द्रीय सूचना, सञ्चार तथा प्रचार विभागको प्रमुखमा मनोनीत हुनुभएको छ ।

पार्टी सभापति शेरबहादुर देउवाले आज उहाँलाई पार्टीको विधानबमोजिम उक्त विभागको प्रमुखमा मनोनयन गर्नुभएको कांग्रेस मुख्य सचिव कृष्णप्रसाद पौडेलले जानकारी दिनुभयो ।

बिश्वकर्माले पार्टीले दिएको जिम्मेवारी ईमान्दारीताका साथ निर्वाह गर्ने प्रतिक्रिया दिनुभएको छ ।