२५ जेष्ठ २०८०, बिहीबार ०८:०७
चितवन, जेठ २५
समाजवादी प्रेस संगठन नेपाल चितवनको अध्यक्षमा पुनः टिकादत्त तिमिल्सिना चयन हुनुभएको छ ।
हिजो सम्पन्न पहिलो साधारण सभा तथा अधिवेशनबाट तिमिल्सिनाको अध्यक्षतामा नयाँ कार्यसमिति चयन गरिएको हो । तीन वर्षे कार्यकालको लागि गठित ११ सदस्यीय नयाँ कार्यसमितिको उपाध्यक्षमा रामु आचार्य र सरस्वती लामा चयन हुनुभएको छ । सचिवमा पूर्णबहादुर आलेमगर (विशाल), कोषाध्यक्ष बबिलाल तामाङ र सह–सचिवमा विजय चौधरी चयन हुनु भएको छ ।
सदस्यहरूमा उषा श्रेष्ठ, कविता गायक, सुरेश अधिकारी, अर्जुन चौधरी र एलिशा तिमिल्सिना चयन हुनु भएको छ । नेकपा एमाले विभाजन भएपछि गठन भएको नेकपा एकीकृत समाजवादी पार्टीसम्वद्ध जनवर्गीय संगठनको रूपमा उदाएको प्रेस संगठनको केन्द्रीय समितिको निर्देशानुसार जेठ मसान्तभित्र जिल्लाको अधिवेशन गराउनुपर्ने परिपत्रको आधारमा बुधबार चितवन जिल्लाको अधिवेशन गरिएको संगठनले जानकारी दिएको छ ।
