भारतसँग पाकिस्तान पराजित : एसिया कप क्रिकेट

काठमाडौं, भाद्र २६

एसिया कप क्रिकेटमा भारतले पाकिस्तानमाथि शानदार जित निकालेको छ ।

श्रीलंकाको कोलम्बोमा सोमबार भएको सुपर फोर चरणको खेलमा भारतले पाकिस्तानलाई २ सय २८ रनको फराकिलो अन्तरले पराजित गरेको हो ।

खेलमा टस हारेर पहिला व्याटिङ गरेको भारतले निर्धारित ५० ओभरमा २ विकेट गुमाउँदै ३ सय ५६ रन बनायो । भारतको लागि विराट कोहलीले १ सय २२ रन तथा लोकेश राहुलले १ सय ११ रनको अविजित पारी खेले ।