२६ माघ २०८०, शुक्रबार ०९:०५
चितवन, माघ २६
चितवनमा उद्यमीहरुको लागि एक महिने डिजिटल उद्यमी तालिम संचालन हुने भएको छ । डिजिटल मार्केटिङ तथा सूचना प्रविधि क्षेत्रमा काम गर्दै आएको एस.डि टेक कम्पनी प्रा. लि. ले एक महिने ‘डिजिटल उद्यमी तालिम गर्ने भएको हो ।
स्वदेशमै उद्यम गर्दै आएका जनशक्तिलाई लक्षित गर्दै कम्पनीले ‘डिजिटल उद्यमी’ तालिम आयोजना गर्न लागेको कम्पनीका संस्थापक तथा प्रबन्ध निर्देशक सौगात देवकोटाले जानकारी दिनुभयो ।
डिजिटल उद्यमी तालिम स:शुल्क सञ्चालन हुने तालिम हो जो एक महिनासम्म सञ्चालन हुन्छ । यसमा बढीमा ६० घण्टाको कोर्स उपलब्ध गराइने देवकोटाले बताउनुभयो । “अहिले स्वदेशमै व्यवसाय गरिरहेका, व्यवसाय गर्न खोजिरहेका, स्टार्टअप गरिरहेका वा स्टार्टअप गर्न खोजिरहेका युवाहरूलाई लक्षित गर्दै यो तालिम आयोजना गर्न लागेका छौं,”उहाँले भन्नुभयो , “यसले उनीहरूलाई व्यवसाय डिजिटल माध्यममा विस्तार गर्न टेवा पुर्याउँछ ”।
तालिममा सहभागी हुनेले सोसल मिडिया मार्केटिङ सिक्न सक्नेछन् । सोसल मिडिया मार्केटिङ भन्नाले सामाजिक सञ्जालमार्फत व्यवसाय प्रवर्द्धन गर्ने काम हो । त्यसका साथै सामाजिक सञ्जालमा कसरी पेज बनाउने, कस्तो पोस्ट राख्ने, कतिबेला पोस्ट गर्ने, ती पोस्ट कसरी व्यवस्थापन गर्ने, पोस्ट कसरी डिजाइन गर्ने, पेजमा कसरी एड रन गर्ने भन्ने विषयमा सिकाइने उहाँको भनाइ छ ।
उद्यमीलाई उक्त तालिम लिईसकेपछि उनीहरूले संचालन गर्दै आईरहेको व्यवसायलाई थप डिजिटल माध्यमबाट बजार प्रर्बद्धन गर्नमा टेवा पुग्ने एस.डि टेक कम्पनी प्रा.लिका कार्यक्रम संयोजक सुशान्त रिमालले बताउनुभयो ।
कार्यक्रममा सहभागी हुनेले नेपाली टाइपिङ गर्न सिक्नुका साथै वर्ड, पीपीटी तथा एक्सल सफ्टवेयर समेत प्रयोग गर्न जान्नेछन् । यो चितवनका उद्यमीलाई लक्षित गरी सञ्चालन गर्न लागिएको तालिम हो । यसमा भौतिक रूपमा सहभागी हुनुपर्ने हुन्छ । आयोजकले तालिममा बढीमा ५० जना सहभागी हुने अपेक्षा गरेको छ । इच्छुक व्यक्तिहरू शुक्रवार २ बजे जिल्ला समन्वय समिति चितवन कार्यालय हलमा सहभागी हुन सक्नेछन् । तालिममा सहभागी इच्छुक व्यक्तिले एस.डि टेक कम्पनीलाई सामाजिक सञ्जालका विभिन्न माध्यमबाट वा 9855018046 मा सम्पर्क गरेर थप बुझ्न सक्नेछन् । ७ जनाको समुहमा तीन सिफ्ट (बिहान, दिउसो र बेलुका) मा संचालन हुने तालिमको एक महिने कोर्षको शुल्क १८,५००/- निर्धारण गरिएको आयोजकले जनाएको छ ।
एस.डि टेक कम्पनी प्रालि सन् २०१९ मा स्थापित डिजिटल मार्केटिङ तथा आइडी सेवा प्रदान गर्ने कम्पनी हो । यसको मुख्यालय चितवनको भरतपुरमा रहेको छ । एसडीटेकले विगत दुई वर्षदेखि अवसर एकेडेमीमार्फत विभिन्न किसिमका आईटी तथा डिजिटल मार्केटिङ सम्बन्धी तालिम प्रदान गर्दै आइरहेको बताईएको छ ।
