चितवन, फागुन ३
बागमती प्रदेशका स्वास्थ्य मन्त्री उत्तम जोशीले प्रविधिको प्रयोगले शिक्षाको गुणस्तर बृद्धि गर्न सकिने बताउँदै अब शिक्षा क्षेत्रलाई प्रविधिमैत्री बनाउनुपर्ने बताउनुभएको छ ।
भरतपुर १ नारायणगढमा रहेको आदिकवि भानुभक्त माध्यमिक विद्यालयको ५५ औं वार्षिकोत्सव तथा अभिभावक दिवसमा प्रमुख अतिथिको रूपमा बोल्नुहुँदै मन्त्री जोशीले यस्तो बताउनुभएको हो । उहाँले आजका बालबालिका भबिस्यका कर्णदार भएको हुँदा आजैदेखि शिक्षामा सुधार गर्दै अगाडि बढ्नुपर्ने बताउनुभयो ।
बिज्ञान र प्रविधिको युगमा यसको सहि सदुपयोग नगर्दा देखिएका बिकृतीको अन्त्य गर्नुपर्ने आजको अपरिहार्य आबश्यकता रहेको औंल्याउनुभयो । उहाँले स्वास्थ्य क्षेत्रमा देखिका समस्याहरुको समाधान सहित नयाँ प्रविधिको बिकासमा लाग्ने र अहिलेसम्म आफ्नो प्रयासमा पार्किङ्गको व्यबस्था, जनस्वास्थ्य प्रयोगशालाई संचालनमा ल्याइएको र बकुलर रत्ननगर अस्पतालको स्तरोन्नति गरिएको समेत उल्लेख गर्नुभयो ।
मन्त्री जोशीले आम नागरिकहरुको स्वास्थ्य उपचार र यसको प्राथमिकतामा आफ्नो महत्त्वपूर्ण जिम्मेवारी रहने हुँदा सो कुराहरुलाई आत्मसाथ गर्दै अगाडि बढ्ने प्रतिबद्धता समेत व्यक्त गर्नुभयो ।
कार्यक्रम भरतपुर वडा नं. १ का वडाध्यक्ष तथा विद्यालय व्यवस्थापन समितिका अध्यक्ष केशव महर्जनको अध्यक्षतामा सम्पन्न भएको हो । विभिन्न शिक्षण संस्थाका शिक्षक, अभिभावक, बिद्यार्थी र बिभिन्न तहमा रहेका संस्थाका प्रतिनिधि र सामाजिक व्यक्तित्वहरुको कार्यक्रममा सहभागीता रहेको थियो ।
